परवड

 || परवड  ||

सप्त पदी चालता चालता,

स्वप्न मनात किती रंगविली,

सुखाचा संसार थाटण्या सख्या,

तुझ्या मागोमाग चालली...

गोंडस बाळे,सुंदर घरकुल,

मनात साठवून ठेवली,

जगंनियंत्याला स्मरून,

तूझ्या मागोमाग चालली...

थोडे दिवस संसार सुखाचा?

चालला होता रडत कढत,

सुचेना घर,"अग"ची याद,

चालली मागे फरफटत...

उद्ध्वस्त स्वप्न,नाही बाळे,

सुरूच राहिले तुझे चाळे,

छातीवर दगड ठेवून,

तूझ्या मागे पळ पळ पळे...

बाटली पाहून पारदर्शक,

नितळ मनाची आतली,

माझ्या पेक्षा तिने तुला,

बग रे मोहिनी घातली.

नको घाव घालू सख्या,

थांबवं रे माझी परवड,

अहेवाचे लेणं लावून,

थांबव माझी वणवण...

श्री. निवृत्ती कोरडे,

८८८८८५१६६६

बोरी बुद्रुक,

शिवभूमि:-जुन्नर,

पुणे / मुंबई